Albergue

Ostatua. Aterpea. Arritxulo, Oiartzungo udal-aterpetxea Aiako Harria Parke Naturalean murgilduta dago, pribilegiozko ingurunean, mendiz eta landaretzaz inguratuta. 80 toki ditu, baita egongela, tailerrak, jangela, ikus-entzunezkoen aretoa eta eskalada-murrua ere. Kanpoaldean kanpin-denda ere jar daiteke. Aterpetxe honek energia berriztagarriekin funtzionatzen du.WIFI.

Pasaia Erromesen Aterpetxea Gipuzkoako herri xarmangarrienetariko batean dago (Pasai Donibane), Santa Ana ermitaren atzealdean hain zuzen. Aterpetxe hau kostaldetik doan Done Jakue bidearen barne dago eta Gipuzkoako Donejakue-Bide Lagunen Elkarteak kudeatzen du. Bertan erromesak atseden hartu ahal izango du, Pasaiako Badian murgilduz, bista ederrez inguratuta eta itsas giroaren kutsuaz gozatuz.

Belabaratz, Errenteriako udal-aterpetxea, Zamalbiden dago. Zamalbide Errenteriako landa-auzoa da. Mendiz inguratuta eta baserri desberdinetatik hurbil, aterpetxean landa-inguruneaz goza daiteke. Belabaratz aterpetxetik gertu autobus publikoak geltokia du, beraz, erraza da Errenteriaraino iristea.

Arrokaundieta aterpetxea Jaizkibel Mendian kokatuta dago, Gipuzkoako kostaldeko mendirik altuenean. Aterpetxea, Pasaiako barrutirik ederrenetariko batean (Pasai Donibanen) aurki dezakegu. Bertan urtez urte itsas zaporeak bizirik dirau. Mendi bete-betean murgilduta dago, pribilegiozko ingurunean, landaretzaz inguratuta, eta kostaldetik oso hurbil.